ვალდებულება: ქუთაისის მუნიციპალიტეტში შეზღუდული შესაძლებლობების მქონე პირთა პოლიტიკურ და საზოგადოებრივ ცხოვრებაში სრულფასოვანი მონაწილეობის გაუმჯობესება
ვალდებულების აღწერა: ღია მმართველობა საქართველოს 2018-2019 წლების ეროვნული სამოქმედო გეგმის ფარგლებში, ქუთაისის მუნიციპალიტეტმა შშმ პირების გადაწყვეტილებისა თუ სერვისების მიღების პროცესში სრულფასოვანი ჩართულობის უზრუნველყოფის მიზნით, ადმინისტრაციული შენობების შშმ პირთა მოთხოვნების შესაბამისად ადაპტირება დაისახა მიზნად. შედეგი: მუნიციპალიტეტის ადმინისტრაციული შენობა ადაპტირებულია და შეზღუდული შესაძლებლობების მქონე პირებს აქვთ შესაძლებლობა სრულფასოვნად ჩაერთონ მუნიციპალიტეტის პოლიტიკურ და საზოგადოებრივ ცხოვრებაში
ვადა: დაწყების თარიღი - ოქტომბერი 2018, დასრულების თარიღი - დეკემბერი 2020
OGP მიმართულებები: სერვისების ხელმისაწვდომობა, ანგარიშვალდებულება, ჩართულობა
საანგარიშო პერიოდი: 2019, წლიური
პასუხისმგებელი უწყება: ქუთაისის მუნიციპალიტეტის მერია
საანგარიშო პერიოდში USAID/GGI-ის დაქირავებული ექსპერტის მიერ განხორციელდა საქართველოს კანონმდებლობით განსაზღვრულ მოთხოვნებთან მიმართებაში მუნიციპალიტეტის ადმინისტრაციული შენობის შესაძლებლობების ანალიზი და მომზადდა შესაბამისი ანგარიში.

გამომდინარე იქიდან, რომ ქუთაისის მუნიციპალიტეტის მერიამ მიიღო გადაწყვეტილება მერიის შენობის ცვლილებასთან დაკავშირებით, წარმოდგენილი ვალდებულების დარჩენილი ორი ეტაპი (საჭიროებების განსაზღვრა და შენობის ადაპტაციისთვის საჭირო ტექნიკური დავალების შემუშავება და შენობის ადაპტირება შშმ პირთა მოთხოვნების შესაბამისად) საანგარიშო პერიოდში ვერ განხორციელდა, რადგან მერიას გადაეცა ახალი შენობა, რომელიც უკვე ადაპტირებულია შშმ პირთა საჭიროებებზე, შესაბამისად, ვალდებულების მიზანი მიღწეულია.

სამდივნოს შეფასებით, ვალდებულებით გათვალისწინებული მიზანი მიღწეულია, რადგან ქ. ქუთაისის მერიის ახალი შენობა ადაპტირებული იქნება შშმ პირთა საჭიროებებზე, შესაბამისად, ვალდებულების სტატუსად განისაზღვრა სრულად შესრულდა.